(2) Terceira declinación: alternancia vocálica

Moitas das palabras desta declinación están sometidas a unha variación de cantidade da última vogal do tema, ou sexa, presentan vogal longa no nominativo sg. e vogal breve no resto dos casos. Debes observar ben o enunciado para comprobares se hai alternancia ou non. Este fenómeno aparece noutros contextos en galego (durmo/dormes) ou en inglés (come/came).

Sen alternacia: 

ἀγών ῶνος, ὁ

θήρ θηρός, ὁ 

Con alternancia: 

δαίμων ονος, ὁ

λιμήν ένος, ὁ

γέρων oντος, ὁ

ῥήτωρ oρος, ὁ

τριήρης ους (εος), ἡ

Imaxina agora o proceso contrario: nun texto aparece a palabra τῇ ἀηδόνι e non sabes o seu significado. Que fas?

1.- Identificas o caso: dativo sg. ἀηδόν-ι.

2.- Identificas o tema: nasal ἀηδον-.

3.- Reconstrúes o nominativo sg.: ἀηδών.
4.- Procuras no dicionario e encontras: ἀηδών όνος, ἡ "reiseñor".
NUNCA pode haber un nominativo sg. masculino ou feminino da 3ª con vogal breve! Dos neutros desta declinación xa falaremos.